سەنتەرێ بێشكچی بۆ ڤەكۆلینێن مرۆڤایەتی ل زانكۆیا دهۆك سمینارەك ل دۆر (ناڤەندێن ڤەكۆلینان و رۆلێ وان د چێكرنا بریارا سیاسی دا، هەرێما كوردستانێ وەكو نموونە) بۆ مامۆستا سەردار رەمەزان ل رۆژا 18/12/2018 ل سەنتەرێ رەوشەنبیری و جڤاكیێ زانكۆیێ رێكخست.
د سمینارا خۆدا مامۆستا سەردار رەمەزان ل دەسپێكێ بەحسێ رۆلێ ناڤەندێن ڤەكۆلینان ل ویلایەتێن ئێكگرتی یێن ئەمریكی كر كا چاوا و كەنگی دشێن رۆلێ خۆ د چێكرنا بریارا سیاسی دا ببینن و هەروەسا بەحسێ وان دەزگەهان ژی كر یێن رۆلێ خۆ د چێكرنا بریارێ دا هەی ل وی وەلاتی، ل دیف دا هاتە سەر بەحسێ ناڤەندێن ڤەكۆلینان ل هەرێما كوردستانێ و كا چاوا دێ ڤان ناڤەندان رۆلێ خۆ هەبیت شرۆڤە كر.