A seminar about new KRG cabinet by Mr. Ferhad Atrushy

سەنتەرێ‌ بێشكچی بۆ ڤەكۆلینێن مرۆڤایەتی ل زانكۆیا دهۆك ل رۆژا 30/10/2018 سمینارەك بو بەرێز فەرهاد ئەمین ئەترووشی پارێزگەرێ‌ دهۆكێ‌ ل ژێر ناڤێ‌ (پێشبینیێن رەوشا كابینا نوی یاحكومەتا عیراقا فیدرال) بۆ هژمارەكا مامۆستا و رەوشەنبیر و قوتابیێن زانكۆیێ ئەنجام دا.
ئەڤ سمینارە كو ل هۆلا كۆنفرانسان هاتیە پێشكێش كرن پارێزگەرێ‌ دهۆكێ‌ روناهی بەردا سەر رەوشا حكومەتا نوی یا عادل عبدولمەهدی و گۆت یا ب ساناهی نینە مرۆڤ بشێت دیار كەت كا ئەڤ كابینە دێ‌ یا سەركەفتی بیت یان نە و ئاماژە دا نەخشێ‌ سیاسی ل پەرلەمانێ‌ عیراقێ‌ كو هەمی د دابەشكرینە ل سەركوتلێن كوردی و سنی و شیعی و هەمی دبەر بەلاڤن و نەشیاینە ببنە كوتلێن ئێكگرتی.
هەروەسا ئاماژە دا رەوشا هەرێما كوردستانێ‌ و بادەكێن ماینە هلاویستی دگەل حكومەتا فیدرال ئەو ژی بابەتێ‌ سنوورێن هەرێمێ‌ و مادێ‌ 140 و بابەتێ‌ پترۆل و سامانێن سرۆشتی و بابەتێ‌ پێشمەرگەی و بابەتێ‌ دام ودەزگەهێن فیدرالی و كارناما كابینا نوی یا حكومەتا فیدرال هەمبەر هەرێمێ‌.
مامۆستا فەرهاد ئەترووشی هەروەسا ئاماژە دا زالبونا رۆلێ‌ شیعا ل سەر دەست نیشانكرنا سەرۆكێ‌ پەرلەمانی و سەرۆك كۆماری و سەرۆك وەزیران و ڤالاتیا هەشت وەزارەتان كو هێشتا نەهاتینە پركرن و ئەڤ چەندە وێ‌ نیشان ددەن كو حكومەتەكا لاوازە دناڤ خودا هەیە لێ‌ لایەنێ‌ شیعی دڤێت دیاركەت كو ئەڤ حكومەتە دێ‌ یا ب هێزبیت.
پارێزگەرێ‌ دهۆكێ‌ ئاماژە دا خالێن لاوازیا سەرۆك وەزیران كو وی بخۆ چ كوتلە و لایەن نینن پشتەڤانیا وی بكەن و ئەو بخۆ ژی نەكەسەكێ‌ تكنوقراتە هەروەسا ئەوێن بوینە وەزیر ژی گەلەك ژ وان نە دبەرنیاسن و دێ‌ كارتێكرنێ‌ ل كابینا نوی كەن.
هەروەسا بەحسێ‌ خالێن ئیجابی یێن كەسایەتیا عادل عەبدولمەهدی ژی كر كو دوستێ‌ كوردایە و ب تایبەتی یێ‌ سەرۆك بارزانی و دكارنامێدا هاتیە كو دێ‌ سازیێن دستوری یێن حكومەتا فیدرال ب هێزكەن و دستوری پەیرەوكەن و ئاریشێن هەلاویستی یێن حكومەتا فیدرال و حكومەتا هەرێمێ‌ چارەسەركەن، و گۆت ناڤەرۆكا كارناما حكومەتا نوی بێ‌ ئومێدیێ‌ نیشا ددەت لێ‌ بەلكو كەسایەتیا باش یا سەرۆك وەزیران باشیێ‌ بۆ عیراقێ‌ و كوردستانێ‌ پەیدا بكەت.
ل دووماهیێ‌ گۆت دڤێت ئەم كورد پتر ناڤمالا خۆ رێكبێخین و ب ئێك دەنگ بەرەڤانیێ‌ ژمافێن خەلكێ‌ هەرێما كوردستانێ‌ بكەین، ل دووماهیا سمینارێ‌ ژی دەرگەهێ‌ دان وستاندنێ‌ هاتە ڤەكرن وچەندین پسیار هاتنە ئاراستەكرن و بەرسڤ ل سەر هاتە دان.