گرۆپەكێ دەرچوویێن پشكا كۆمپیوتەری ل كۆلیژا زانست ل زانكۆیا دهۆك پرۆژەكێ زانستی بەرهەڤ كریە ل دۆر كێم كرنا رویدانێن هاتن و چوونێ ب رێكا ئامیرەكێ هشیاریێ و ل رۆژا 2/8/2018 ئەڤ گرۆپە ژلایێ سەرۆكێ زانكۆیا دهۆك پرۆفیسۆر د. مصلح دهۆكی ڤە پێشوازی ل ڤی گرۆپێ قوتابیان هاتە كرن.
د رۆینشتنەكی دا ڤان قوتابیێن دەرچووی بەحسێ ناڤەرۆكا پرۆژێ خۆ كر كو ئەو ژی ب رێكا ئامیرەكێ هشیاركرنێ یە كو پێشوەخت شۆفێر ل دۆر رێكێن خراب و تەسێن نوی و هەر تشتێ د جادێ دا هێتە ئاگەهدار كرن داكو رویدان كێمتر لێ بهێن.
ژلایێ خۆڤە سەرۆكێ زانكۆیا دهۆك پرۆفیسۆر د. مصلح دهۆكی دەستخۆشی ل ڤان دەرچوویان كر بۆ ئەنجامدانا ڤی پرۆژەی و پشتەڤانیا سەرۆكاتیا زانكۆیێ ژی نیشادا بۆ ئەنجام دانا ڤان جۆرە پرۆژان كو خزمەتا وان ژ بۆ بەرژەوەندا گشتی بیت و جڤاك ژێ یێ مفادار بیت