گرۆپەكێ قوتابیێن زانكۆیا Waseda یا وەلاتێ ژاپۆن ل رۆژا 9/8/2018 سەرەدانا سەرۆكاتیا زانكۆیا دهۆك كر و دگەل سەرۆكێ زانكۆیێ پرۆفیسۆر د. مصلح دهۆكێ بەحسێ رەوشا خاندنێ ل زانكۆیێن وەلاتێ خۆ كرن و سەرۆكێ زانكۆیا دهۆك ژی كورتیەك دا سەر سیستەمێ خاندنێ ل زانكۆیا دهۆك.
ئەڤ گرۆپێ قوتابیێن ژاپۆنی كو ب رێكا كۆمەلا دوستایەتیا ژاپۆنی كوردی هاتبوونە زانكۆیا دهۆك، هەروەسا سەرەدانا كۆلیژا یاسا و زانستێن رامیاری ژی كرن چونكو قوتابیێن كۆلیژا یاسایێ نە ل ژاپۆنێ، ل كۆلیژا یاسا ژی ژ نێزیك ل دۆر وان بابەتان ئاگەهدار بوون ئەوێن ل كۆلیژا یاسا دهێنە خواندن و وان ژی بەحسێ سیستەمێ خاندنێ ل زانكۆیێن وەلاتێ خۆ كرن.
سەرۆكێ كۆمەلا دوستایەتیا ژاپۆنی كوردی تێلی محەمەد دیاركر كو هاتنا ڤان گرۆپێن قوتابیان بۆ زانكۆیێن كوردستانێ ژبۆ گوهارتنا پێزانینا یە ل سەر سیستەمێن خاندنێ ل ڤی وەلاتی و بزاڤ بهێنە كرن ل ئایندەی قوتابیێن زانكۆیێن كوردستانێ بشێن بچن ل زانكۆیێن وەلاتێ ژاپۆن بخوینن.