كۆلیژا ئەندازیاری رۆژا دیزاینا ئەندازیاری یا شەشێ‌ ئەنجام دا

كۆلیژا ئەندازیاری ل زانكۆیا دهۆك چالاكیا رۆژا دیزاینا ئەندازیاری یا شەشێ‌ ل رۆژا 20/5/2019 ل ناڤەندا قوتابیان ل زانكۆیا دهۆك ب ئامادەبوونا سەرۆكێ‌ زانكۆیێ‌ پ. د. مصلح دهۆكی و ئەندامێن جڤاتا زانكۆیێ‌ و هژمارەكا مامۆستا و قوتابیێن كۆلیژا ئەندازیاری ئەنجام دا.

ل رۆژا دیزاینا ئەندازیاری یا شەشێ‌ پرۆژێن دەرچوونێ‌ یێن قوتابیێن قووناغا دووماهیێ‌ یێن هەر پێنج پشكێن كۆلیژا ئەندازیاری (شارستانی، ژێدەرێن ئاڤێ‌، تەلارسازی، كارەب و كۆمپیوتەر، میكانیك) هاتنە نیشادان، ل هەر پشكەكی لژنەكا چار كەسی هاتبوو پێك ئینان بۆ هەلسەنگاندنا پرۆژێن قوتابیان و دیاركرنا پرۆژە و دیزاینێن سەركەفتی تر ل ڤان هەر پێنج بیاڤێن ئەندازیاری.

رۆژا دیزاینا ئەندازیاری چالاكیەكا سالانەیە و ل دووماهیا وەرزێ‌ خاندنێ‌ كۆلیژا ئەندازیاری ل زانكۆیا دهۆك بۆ قوتابیێن خۆ بەرهەڤ دكەت و تێدا پرۆژێن دەرچوونێ‌ یێن قوتابیان دهێنە نیشادان و هەلسەنگاندن.