The Future of Kurdistan workshop at UoD

لژێر درۆشمێ‌ (كوردستان خەبات و ئایندە) و لژێر چاڤدێریا سەرۆكێ‌ زانكۆیا دهۆك (پ.د. مصلح محەمەد سەعید دهۆكی)، سەنتەرێ‌ رەوشەنبیری و جڤاكی یێ‌ زانكۆیا دهۆك وەرزێ‌ خویێ‌ یێ‌ رەوشەنبیر دناڤبەرا 23-27/ 7/ 2017ێ‌، ل هۆلا سەنتەرێ‌ ناڤبری ب پشكداریا ڤان بابەتان پرێڤەبر.

لدەسپێكێ‌ (پ.د. مصلح محەمەد سەعید)  سەرۆكێ‌ زانكۆیا دهۆك، بەحس ل گرنگیا رۆلێ‌ زانكۆیێ‌ كر ددەستكەفتنێن نەتەوەیی دا و بیرئینانا وان و پشكداری د هەمی بزاڤێن نیشتمانی- نەتەوەیی دا، ب تایبەت بۆ ڤێ‌ قۆناغا گەلەك دیرۆكی و مەزن یا مللەتێ‌ كورد تێدا دبوریت ژبۆ ئەنجامدانا گشتپرسیا گشتی یا هەرێما كوردستانێ‌ ژبۆ سەربەخۆیی، لەوا تەكەز ل هندێ‌ كر گرنگە ئەم هەمی د خزمەتا ڤێ‌ پرسدا كار بكەین، دا ل ئایندەكێ‌ نیزیك لبن دەستێ‌ داگیركەران رزگار بیت ب ئێكجاری.

(هشیار سەعید ئەرەدنی) رێڤەبەرێ‌ سەنتەرێ‌ رەوشەنبیری و جڤاكی گۆت:" مە بەحس ل جەندین بابەتێن گرنگ كریە و بابەت یێن گرێدایی پرسا ریفراندۆمێ‌ و ڤی وەرزی چەندین پەنەل بخۆڤە گرتنە ئەو  ژی ئەڤەنە: ل 23/ 7/ 2017ێ‌، بابەتێ‌ (پێكڤەژیان و رێڤەبرنا هەمە جوری) ژلایێ‌ م. ئومید محەمەد تاهر و م. زێرەڤان ئەمین مایی ڤە هاتە بەحسكرن و ژلایێ‌ م. هشیار سەعید ئەرەدنی ڤە هاتە پرێڤەبرن، لرێكەفتی 24/7 بابەتێ‌ (بەرەڤ سەرخوبونێ‌) ژلایێ‌ م. رێنجبەر بامەرنی و م. هەلز عەلی ڤە هاتە بەحسكرن و ژلایێ‌ م. حەمید سەبری ڤە هاتە پرێڤەبرن. ل رۆژا سیێ‌ رێكەفتی 25/7 بابەتێ‌ (راكێشانا رایا گشتی بۆ پرسا سەرخوبۆنێ‌) ژلایێ‌ م. دیندار حەیدەر و م. حەمید سەبری ڤە هاتە بەحسكرن و ژلایێ‌ م. زێرەڤان ئەمین ڤە هاتە پرێڤەبرن، ل رۆژا چواری ژی بابەتێ‌ (شارستانیەت و ئایندەیێ‌ دەڤەرێن ڤەقەتیایی) ژلایێ‌ د. سەعید خودیدایی و م. كوڤان ئێحسان ڤە هاتە بەحسكرن و ژلایێ‌ م. دلڤین عبدالسلام ڤە هاتە پرێڤەبرن، لرۆژا پێنجی و دووماهیی لرێكەفتی 27/7 بابەتێ‌ (ئایندێ‌ كوردستانێ‌ دناڤبەر سیاسەت و یاسا نیڤدەولەتیدا) ژلایێ‌ م. دلڤین عبدالسلام و م. سامی عبدالقادر ڤە هاتە بەحسكرن و ژلایێ‌ م. هشیار سەعید ڤە هاتە پرێڤەبرن.

راگەهاندنا زانكۆیا دهۆك: هەلز عەلی سەلیم