Folklor festival at UoD

ب بەرهەفبوونا سەرۆكێ‌ زانكۆیا دهۆك پ.د. مسلح محەمەد سەعید دهۆك و چەندین مامۆستا و قۆتابیێن زانكۆیی فیستەڤال و سمینارا كەلەپوری یا هەڤپشك دناڤبەرا یانەیا رەوشەنبیری ل كولیژا زانستێن مرۆڤایەتی و ئەنستیتویا كەلەپورێ‌ كوردی- دهۆك ل زانكۆیا دهۆكێ‌ هاتە پرێڤەبرن.   

عەبدالكەریم مستەفا ئەندامێ‌ یانەیا رەوشەنبیری ل كۆلیژا زانستێن مرۆڤایەتی گۆت: دەڤەرا دهۆكێ‌ ژ دەڤەرێن زەنگینە ب كەلەپورێ‌ خویی دیرۆكی، لەوا گرنگە ئەڤ كەلەپورە بۆ خەلكی بهێتە نیشاندان دا شینوار و رەسەناتیا خۆیا كەفن بنیاسن.

خانم بوهار عەلی رێڤەبەرا دەزگەهێ‌ ئەنستیتوتا كەلەپوری كوردی گۆت: بەردەوام كار بۆ ب دەستڤەئینانا ئەرشیفێ‌ كەلەپوری دكەین و نوكە ژی شیاینە بۆ جارا ئێكێ‌ ئەرشیفێ‌ ئەلكترونیێ‌ كەلتورێ‌ زارەكی دروست بكەین، كۆ پێكهاتیە ژ سەدان ئایتمێن كەلتوری.

دیسان بوهار خانێ‌ ژ رەوشەنبیر و نڤیسەر و شارازایان خواست كۆ دهاریكار بن دگەل دەزگەهێ‌ ناڤبری ژبۆ پتر بشێن خزمەتا ڤێ‌ پرسا نەتەوەیی و نیشتیمانی بكەن.

دهەمان دەمدا پیشانگەكا فوتوگرافی لسەر سرۆشت و جل و بەرگ و و دیمەنێن جوانێن كوردستانێ‌ نمایشكر، ل دووماهیێ‌ ژی د. عیماد وەیسی و مامۆستا مەزهەرێ‌ خالقی بەحسی پاراستن و گرنگیا كەلەپورێ‌ كوردی كر و ب تایبەت بوارێ‌ سترانێن كەلتوری و ب دیكیومنت سترانێن كەلتورێ‌ كوردێ‌ ل هەر چوار پارچەیێن كوردستانێ‌ دانە دیاركرن. 

راگەهاندنا زانكۆیا دهۆك: هەلز عەلی سەلیم