A workshop about the attitude of Arab media against Kurdish issue

لژێر چاڤدێریا سەرۆكێ‌ زانكۆیا دهۆك (پ.د. مصلح دهۆكی)، سەنتەرێ‌ بێشكچی بۆ ڤەكولینێن مرۆڤایەتی مێزگەردەك لژێر ناڤێ‌ (هەلویستێ‌ راگەهاندنا عەرەبی بەرامبەر دۆزا كوردی) ل هولا دوو ل سەنتەرێ‌ رەوشەنبیری و جڤاكیێ‌ زانكۆیا دهۆك ئەنجامدا.
ئەڤ مێزگەردە ب دوو پەنەلا پێك دهات، پەنەلێ‌ ئێكێ‌ ب دوو سمیناران پێك هاتبوو، سمینارا ئێكێ‌ ژلایێ‌ (پ.د. عبدالفتاح بوتانی) سەرۆكێ‌ ئەكادیمیا كوردی، لژێر ناڤێ‌ (ئێزگە و بەخشێن كوردی 1939-1968 (پەخشێ‌ كوردی ژ ئێزگەهێ‌ قاهیرە وەك نموونە)) هاتە بەحسكرن، سمینارا دوویێ‌ ژلایێ‌ (د. عبدالسلام بەرواری) ئەكادیمی و سیاستمەدار و مامۆستایێ‌ زانكۆیا دهۆك، لژێر ناڤێ‌ (پیتەدانێن راگەهاندنا عەرەبی و هزركرنا مە ژوێ‌) دیاركر، ژلایێ‌ رێڤەبەرێ‌ سەنتەرێ‌ بێشكچی (پ.د. نشوان شوكری) هاتە پرێڤەبرن.
پەنەلێ‌ دوویێ‌ ب سێ‌ سمینارا پێك هاتبوو ئەو ژی بڤی رەنگی: سمینارا ئێكێ‌ (پ.ه.د رچوان خچر علی) مامۆستایێ‌ زانكۆیا سەلاحەدین و پسپور دبوارێ‌ راگەهاندنێ‌ دا، لژێر ناڤێ‌ (چەوانیا سەرەدەریێ‌ دگەل راگەهاندنێ‌ دماوێ‌ شەر و قەیراناندا)، سمینارا دوویێ‌ ژلایێ‌ (م. ئەحمەد زاویتەیی) رێڤەبەرێ‌ نڤیسینگەها كەنالێ‌ جەزیرە ل كوردستانێ‌، لژێر ناڤێ‌ (خەمساریا كوردان و كارتێكرنا وێ‌ لسەر راگەهاندنا عەرەبی لدۆر دۆزا كوردی) هاتە بەحسكرن، دووماهیێ‌ بابەتەك ژلایێ‌ (م. ئیبراهیم مەحموود) نڤیسەر و روناكبیر، لژێر ناڤێ‌ (ناساندنا كوردان دراگەهاندنا عەرەبی دا پشتی ب سەرداگرتنا كەركوكێ‌ ژلایێ‌ هێزێن عیراقێ‌ و حەشدا شەعبی ڤە لدووڤ شرۆڤەكرنا دەرۆنی) هاتە گەنگەشەكرن.
راگەهاندنا زانكۆیا دهۆك: هەلز عەلی سەلیم