A UoD student participated in a course in China

د پروگرامەكێ‌ وەزارەتا خواندنا بلند و ڤەكولینێن زانستی دگەل كومپانیا هواوی یا كەلتور و زمانی یا چینی، 10 قوتابیێن زانكۆیێن هەرێما كوردستانێ‌ یێن ئاستێ‌ وان یێ‌ زانستی یێ‌ بلند سەرەدانا ولاتێ‌ چینێ‌ كرن د ئەڤ سالەدا قوتابیەكێ‌ زانكۆیا دهۆك ژی پشكداری د ڤی پروگرامی دا كر.
ژێگر خورشید قوتابیێ‌ قوناغا چارێ‌ یێ‌ كۆلیژا پزیشكی ڤێتێرنەری ل زانكۆیا دهۆك گوت" مە هژمارەكا قوتابیێن زانكۆیێن حكومی پشتی چاڤپێكەفتنێ‌ ل وەزارەتا خواندنا بلند ئەم 10 قوتابی هاتینە هەلبژارتن كو سەرەدانەكا زانستی بچنە ولاتێ‌ چینێ‌، ئەڤ پروگرامە ئەڤە بو سالا دووێ‌ یە یێ‌ بەردەوام ب مەرەما خولێن راهینانا ودیتنا جهێن مێژووی و كەلتوری یێن وی ولاتی.
قوتابیێ‌ پشكدار گوت ژی"ژلایێ‌ كومپانیا هواوی یا فیركرنا زمان وئایتی ل پەكین هاتینە پێشوازی كرن، ول دیڤدا ل زانكۆیا پەكین بۆ كەلتور و زمان مە چەند وانەك پێشكێشكرن ل سەر زانكۆ وكەلتورێ‌ ولاتێ‌ خو ئەڤ پروگرامە دێ‌ یێ‌ بەردەوام بیت ژلایێ‌ كومپانیا هواوی و وەزارەتا خواندنا بلندڤە مەرم ژێ‌ پتر هایداربونا قوتابیێن كورد ل سەر كەلتورو و زانستێ‌ ولاتێ‌ چینێ‌ و دپاشەروژێ‌ دا ئەوان ژی ل بەرە سەردانا كوردستانێ‌ بكەن و چەند گروپەكێ‌ قوتابیێن چینێ‌ بینە زانكۆیێن كوردستانێ‌.