A faculty member got his PhD from Nottingham University

ئەیاد محەمەد سالح ئیسماعیل ماموستایی زانکویا دهوک گۆت: "ب بەرنامەیێ تواناسازی بو خواندنا دکتورایێ ب پسپوریا ( کیمیائی گەردی و زانستی نانوئی فیزیکی)-(supramolecular chemistry and nanoscience physics) بەرەڤ وەلاتی بریتانیا چووم و ل زانکویا نوتینگهام/ سەنتەری زانستی نانوئی ژ سالا 2012 تا 2016 من خواند".

لدووڤ زانینا من تا نوکە ژ هەزاراها قوتابیێن ڤی بەرنامەیی سەرانسەری هەرێما کوردستانی بەرەڤ زانکۆیێن جیهانی چووینە وەک ئەیاد محەمەد سالح گۆتی:" ئەز ئێکەم قوتابی بووم شیام دماوەیێ خواندنا خودا ڤەکولینەکێ ل باشترین گوڤارا زانستی یا نیف دەولی(Nature) بەلاڤ بکەم ب هەڤکاری دگەل ئێک ژ باشترین زانکویێن جیهانی و بریتانی زانکویا اوکسفورد/ پشکا کیمیائی، ژبەر ڤێ چەندێ سوباسنامەیەک ژلایی سەرۆکێ لێژنا یەکسانکرنا باوەرنامان ل وەزارەتا خواندنا بلند (د.گیلان حکمت رواندزی) و ئەندامی لێژنی (د. موزەفەر مستەفا ئەمین) وهەروەسا ژلایێ سەرۆکی زانکۆیا دهوکێ ڤە (پ.د.مسلح محەمەد سەعید دهوکی) و هاریکارێ سەرۆکێ زانکویێ بۆ کارۆبارێن زانستی (د. سەباح ئیبراهیم وەیسی) دەست خوشی ل من هاتە کرن.

مامۆستایێ زانکۆیا دهۆک گۆت ژی:" بەلاڤوکا من ب ناڤ و نیشانێن (هێلینا گەردی یا بولیمەریت بازنەی)- (supramolecular nesting of cyclic polymers) یە، شولێ من ل ڤی پروژەیدا حلاندنا توزا بولیمریت پورفیرینیت بازنەئی دەسکرد)-(Artificial cyclic porphyrin polymers)، دناف دوو شێلێن تێکهەل میسانول/تولویندا و باش دانانا ئەوان ل سەر زێری و وێنەکرنا ئەوان ل ناڤ هەوایدا بکارئینانا مایکروسکوبا تونێلا کارەبائی (Scanning tunnelling microscopy). د ڤێ لێکولینێدا بومە دیارکر بوو کو بولیمریت پورفیرین یێن بازنەئی دەسکرد بیت خویی بهێنە رێزکرن(self-assemble) ب شیوەیێ وەرپیچایی دناڤ هێلینیا دی، داکۆ هێزێن لاواز (weak interaction or noncovalent bond) وەک وەرپیچانا گەردێن بایلوجی سروشتی "پروتینان"(Proteins) بیت، ئەڤ ئەنجامە یێن سەرنج راکیش بوون د ناڤ زانستی نانوئی دا، ژبەر ڤێ چەندێ ئەم شیاین ڤێ ڤەکولینی بەلاڤ بکەین ل باشترین گوڤارا زانستێن نیڤدەولی بناڤێ (Nature)، ب ڤێ  گوڤاری رێزبەندیا زانکۆیان دهێتە بەرزکرن، لەوا گەشبینم ئەگەر هاریکاری بهیتەکرن ژلایی حکومەتی ڤە و زانکویا دهوکی ژبو دانانا سەنتەرەکی زانستی نانوئی، ئەز دێ شیم گەلەک ڤەکولینا دڤێ گوڤارێ دا بەلاڤ کەم و رێزبەندا زانکۆیا مە بلند کەم. هەژی گوتنێ یە ئەڤ ڤەکولینە دئ زۆر یاگرنک بیت بو فیزیکفانان، کیمیک ناسا و بایلوجیناسا".

راگەهاندنا زانکۆیا دهۆک: هەلز عەلی سەلیم