A conference has been conducted between UoD and Bordeaux University, France

لرێكەفتی 18-19/9/2017ێ‌، هندەك ڤەكۆلینێن زانستی ژلایێ‌ مامۆستایێن فرەنسی وكوردی لژێر ناڤ ونیشانێن (توندرەوی وتیرۆر دسەردەمێن زانیاری وپەیوەندیان وكارتێكرنا وان بجهئینانا چارەنڤیسێ‌ مللەتان) پێشكێش كر.
د.حەجی موسی، هاریكارێ‌ سەرۆكێ‌ زانكۆیا دهۆك بۆ كارۆبارێن كارگیری وئابۆری وسەرۆكێ‌ شاندێ‌ ناڤبری گۆت: " فیلمەك لسەر توندرەویا داعشێ‌ دژی كوردێن ئیزیدی هاتە پێشكێشكرن، كۆ رێكخراوا تیرۆریا داعشێ‌ كارەكێ‌ نە مرۆڤایەتی ل پاش خۆ هێلایە، دهەمان دەمدا چەندین ڤەكۆلینێن زانستی یێن مامۆستایێن زانكۆیا دهۆك بشێوەكێ‌ ئەكادیمی دێ‌ ئێنە بەلاڤكرن".
د.سەلاحەدین ئەحمەد، راوێژكار وپەرلەمانتارێ‌ كورد دیاركر: " تشتێ‌ هەرە گرنگ بەحس ل ئابۆرێ‌ وریفراندۆما هەرێما كوردستانێ‌ هاتە كرن وسەرۆكێ‌ شاندی (د.حجی)، ب تێر وتەسەل بەحسێ لڤێ بابەتی كر".
نعیما الشەرای، نووینەرا ئەنجوومەنێ‌ هەرێما بوردو خویاكر:" مافێ‌ مللەتێ‌ كوردە سەربەخۆ ببن". جێگرا سەرۆكێ‌ زانكۆیا بوردو بو کار وبارێن نیودەولەتی، لرێكەفتی 19/9/2017ێ‌، پێشوازی ل شاندێ‌ زانكۆیا دهۆك كر وبەحس لسەر ریفراندۆما سەربەخۆیا كوردستانێ‌ كر، دووڤدا راگرێ‌ كولیژا یاسا ورامیاری یێ‌ زانكۆیا بوردو Prof. Alioune B. fall شیرەتكار ل نەتەوەیێن ئێكگرتی دبوارێ‌ نڤیسینا دەستوریدا كومبوون، ژبەر پروفسیورێ‌ ناڤبری پشكداری دنڤیسینا گەلەك دستورێن وەلاتاندا كریە، ژوان دستورێ‌ ئەفریقیا. P. Alioune B. fall راگەهاند: " ئەزێ‌ بەرهەڤم پشكداری دبەرهەفكرن و نڤیسینا دستورێ‌ كوردستانێ‌ بم ل ئایندە". دیسان بریار هاته دان بئەنجامدانا کونفرانسەکێ نیڤ دەولەتى ل زانکویا بوردو ل فرەنسا لدور (رولێ راگەهاندنێ وپەیوەندیان وکارتێکرنا وێ لسەر تیرورێ ورەگەزپەرستیێ) ل مانگى ١٢.
م.عادل حەسەن مزیرى، ئێك ژ ئەندامێن رێكخەرێن ڤی بەرنامەیی گۆت: "دێ‌ هەولدەین پەیوەندیێن ئەكادیمی یێن زانستی دگەل زانكۆیێن فرەنسی ئەنجام بدەین".
راگەهاندنا زانكۆیا دهۆك: هەلز عەلی سەلیم