30 Masters seats from IPP institute at UoD

پالپشت ب نڤیسارا وەزارەتا خواندنا بلند و ڤەکولینێن زانستی یا ژمارە (١٥٦٨٩) ل) ٢٣/١٠/٢٠١٦) یا تایبەت ب خواندنا بلند/ ماستەرێ، ئــاگەهداريا هەوەیێن بەرێز دکەین لدور راگەهاندنا (٣٠) کورسیێن خواندنا بلند (ماستەرێ) ل پەیمانگەها چارەسەریا دەرونى و چارەسەریا تراوما/ زانکویا دهوک ب هەماهەنگى د گەل وەزارەتا زانستیا ئەلمانى و زانکۆیا (The state University of baden-Wurttermberg, University of Tubingen Germany) بۆ سالا خواندنێ (٢٠١٦-٢٠١٧) دگەل هەمی مەرجـێن پێتڤى بو وەرگرتنێ و هــەر كەسەكێ حــەز بكـەت بــلا داخــوازيـا خـۆ پێشكێش بكــەت ل رێڤەبەریا خواندنا بلند ل سەروکاتیا زانکویا دهوک ل دویف مــەرج و بەلگەنامێـن ديــاركرى د لــيستا هەڤپێـچ دا و هــەر ژ روژائێک شەمبى رێککەفتى (١٣/١١/٢٠١٦)  تا كۆ روژاسێ شەمبى رێککەفتى  (١٣/١٢/٢٠١٦) دگەل رێزگرتنێ.

تێبینى:-

  1. چاڤپێکەفتن دگەل پێشکشکەران دێ هیتە ئەنجام دان ل پەیمانگەها چارەسەریا دەرونى و چارەسەریا تراوما ل زانکویا دهوک ل روژێن (١٤/١/٢٠١٧) تا (١٦/١/٢٠١٧) ل دەمژمێر (١٠:00) دەهێ سپێدێ هێتە ئەنجام دان.
  2. ئەنجامێن بەراهیێ دێ هێنە راگەهاندن ل روژا ئێک شەمبى رێککەفتى (٢٩/١/٢٠١٧).
  3. هەر پێشکێشکەرەکێ گازندە لسەر ئەنجامێن خۆ هەى دشێت ل روژا دوو شەمبى رێککەفتى (٣٠/١/٢٠١٧) تا کو روژا چار شەمبى رێککەفتى تا (١/٢/٢٠١٧) نەرازیبوونا خو ب فەرمی پێشکێش بکەت ل پەیمانگەها چارەسەریا دەرونى و چارەسەریا تراوما ل زانکویا دهوک.
  4.  ئەنجامێن نەرازیبوونا دێ هینە راگەهاندن ل روژا چار شەمبى رێککەفتى (٨/٢/٢٠١٧).
  5. خواندنا ماستەرێ د ڤێ تایبەتمەندیێ دا دێ بو ماوێ (٣) سالان بیت هەر وەکو ل خارێ هاتیە دیارکرن:
  • أ- خواندنا بەرهەڤیێ بو ماوێ سالەکێ یە.
  • ب- خواندنا ماستەرێ بو ماوێ (٢) سالان.
  • ج- مەرجە قوتابی ل کورسێ بەرهەڤیێ دەربچیت دا کو بشێت ل کورسێ ئەکادیمی بهێتە وەرگرتن ژ بو دەستڤەئینانا باوەرناما ماستەرێ ل تایبەتمەندییا (چارەسەریا دەرونى و چارەسەریا تراوما).
6. خواندن د ڤێ بسپوریێ دێ ب زمانێ کوردى و ئینگلیزی بیت.   

 مەرجێن وەرگرتنێ:

1- مەرجە پێشکێشکار ئێک ژ دەرچوویێن پشکا زانستێن دەروونى و باغچێ مندالان و کومەل ناسی هەروەسا کولیژا پزیشکى و پەرەستارى بن.

2- ئەگەر تەمەنێ پێشکێشکار ژ (٤٥) سالان زێدەتر بیت مافێ پێشکێشکرنی دێ هەبیت بمەرجەکى ئەگەر (١٥)سال یان زێدەتر خزمەت  دبیاڤێ (چارەسەریا دەروونى دا) هەبن.

3- پێدڤێ یە ل سەر پێشکێشکەرى نمرا پێتڤی یا ئێک ژ باوەرنامێن شیانێن زمانێ ئینگلیزى ئەوێن ل خشتێ ل خارێ هاتینە دیارکرن دابین بکەت. 

هەر پێشکێشکەرەک دشێت پێشکێشى خواندنا بلند(ماستەرێ) د ڤی بیاڤی دا بکەت بێی هەبوونا مەرجێ باوەرناما شیانێن ئینگلیزى, لێ ئەگەر پێشکێشکەر بو کاندید مەرجە لسەر وى ئێک ژ باوەرنامێن زمانێ ئنگلیزی دابین بکەت دگەل دوماهی هاتنا کورسێ بەرهەڤیێ داکو بشێت بەردەوام بیت ل کورسێ ئەکادیمی.

En

تێبينى: 

• ماوێ هژمارتنا تاقیکرنێن ئەلیکترونى ب تنێ دوو (٢) سالن. 

• سەبارەت ئەنجامدانا تاقیکرنا ستانداردا شیانێن زمانێ ئینگلیزى وەک ((TOEFL, IELTS ل دەرڤەى هەرێما کوردستانێ،پێویستە ئەو سەنتەرێن تاقیکرن لێ دهێتە ئەنجامدان لقێک بیت ژ لقێن بنگەهێن سەرەکى یێن تاقیکرنا ( (TOEFL, IELTSێ، لەورا پێویستە د وێب سایتا فەرمى  (TOEFL, IELTS) دا ئاماژە ب هندێ دابیت کۆ لقێ ڤێ سەنتەرێ ل وێ باژێرێ پێشکێشکەرى تاقیکرن لێ ئەنجامداى هەبیت.

              ٥-پێویستە سوزادان و گەورەداریی بهێتە چێ کرن ژ لایێ پێشکێشکەرى ڤە ل دادگەهێ ب برێ (٢٥٠٠٠)$, هەروەسا (٤) سالان خزمەتێ ل کوردستان- عراق بکەت.

٦- ساڵێن خزمەتێ

أ- مەرجە پێشکێشکەرى پشتى ب دەست ئینانا باوەرنا بەکالوریوسێ دوو سال خزمەتا فعلی هەبن. بەروڤاژی ڤێ چەندێ پێشکێشکارى مافێ مولەتا ب مووچە نابیت.

ب-  پێشکێشکەر  دشێت پێشکێشی خواندنا ماستەرێ بکەت بێ هەبوونا دوو ساڵێن خزمەتا فعلی ئەگەر پێشکێشکەر نە یێ دامزراندی بیت ل هیچ دام و دەزگایەکێ حکومەتا هەرێما کوردستانێ, لێ پێتڤیە لسەر پێشکێشکەرى سوزنامەکا یاسایی ل زانکویێ پێشکێشکەت کو تیدا بهێتە دیار کرن نە یێ دامەزراندی یە.   

٧- مەرجە تێكرايێ نمرێت دەرچوونا بەکالوریوسا پێشكێشكەرى كێمتر نەبيت ژ (٦٠%)، لێ ئەڤ مەرجە ژ دەرچوويێن بسپووريێن کولیژێن(پزيشكى و پەرەستارى) ناگریت.

٨- دەرچوويێن زانكۆيێن تايبەت یێن باوەرپێکرى دشێن پێشكێشكى خواندنێ بكەن هەر لدویف وێ مەرج و رێنمايێن سەرى هاتينە ديار كرن.

٩- هيچ مامەلەكا پێشكێشكرنێ ناهیتە وەرگرتن ئەگەر سەرجەم دوكيومێنتێت هاتينە ئاماژە کرن لسەرى تێدا نەبن و پێشكێشكەرى مافێ بەشدار بوونێ ل چاڤپێکەفتنێ دا نابيت. 

پێدڤیێن پێشكێشكرنىَ :

  1. رەگەزناما بارێ شارستانى (جنسية الاحوال المدنية) (1) دانە (كوپيكرى) .
  2. رەگەزناما عێراقى (الجنسية العراقية) (1) دانە (كوپيكرى) .
  3. چوار (4) وێنە .
  4. کورتیا خزمەتێ (خلاصة خدمة)
  5. باوەرناما نمرێن دەرچوونێ (بەکالوریوس) يا رەسەن  و كوپيكرى.
  6. باوەرناما دەرچوونێ ( بەکالوریوس) يا رەسەن و كوپيكرى. 
  7. باوەرناما شيانێن زمانێ ئينگليزى وەكو ل سەرى ديار كرى. (دانەيەك رەسەن  و دانەيەك كوپيكرى).
  8. بۆ فەرمانبەرێن زانکۆیا دهوک پێتڤیە لاری نەبوونەکێ ژ کولیژا خۆ بینیت, و ئەگەر ژ دەرڤەى زانکۆیا دهۆک بیت پێتڤیە پێشکێشکەر لاری نەبوونەکێ دگەل خۆ بینیت.
  9. ئەو پێشکێشکەرێن دەرڤەی وەزارەتا خواندنا بلند و ڤەکولینێن زانستى, ئانکو ل سەر میلاکێ دەستە و وەزارەتێن دی یێن حکومەتا هەرێما کوردستانێ پێتڤیە ل سەر وان لارینەبوونەکێ (عدم ممانعة) ل وەزارەتا خو دابین بکەن ل دەمێ پێشکێشکرنێ
  10. فورما پێشكێشكرنێ (ژ لايێ رێڤەبەریا خواندنا بلند/ سەروکاتیا زانکویا دهوک ڤە دهێنە پركرن).
  11. كوپيەك ژ مەرجێن وەرگرتنێ بهێتە ئيمزا كرن ژلايێ پێشکێشکەرى ڤە دگەل داخوازيا وەرگرتنێ و فورما پێکێشکرنێ بهێتە لێكدان و دناڤ دووسييا قوتابى دا بيت.
  12. هەر نەراستيەك ژ لايێ پێشکێشکەرى ڤە بێتە دان دێ ناڤێ پێشکێشکەرى هێتە رەش كرن و دێ دیڤچوونا ياسايى هەبیت.

کورسیێن خواندنێ: 30